Mit tuam chunga basketball dribble record siam

Mit tuam chunga basketball dribble record siam
Idaho a cheng, Guinness World Records siam lama mikhual lo tak, a neitupa emaw tih tur khawpa record siam ngun, tum khat Guinness World Records title ngah ber record siamtu ni mek David Rush chuan record dang a siam leh ta a, tun tum chu basketball dribbling record a ni ve thung.
David Rush hian mit tuam chungin basketball dribbling rei record a ni a, basketball dribbling chu basketball ben sawh deuh tawk tawk ti mai ila. Rush chuan record siam tuma a beih vawi khatnaah mit tuam chungin darkar 1, minute 55 leh second 21 a ti thei niin a sawi a, mahse, hei hi chair-a thu chunga a tih avangin Guinness lamin an pawm sak ta lo.
Tichuan record siam tumin a bei nawn leh a, tun tum chu ding chung ngeiin a ti ta a, Guinness pawhin an pawm sak ta a, darkar 1, minute 37 leh second 2 mit tuam chungin a dribbling thei. Rush chuan, “Hnungzang a kham duh ngat ngat khawp mai,” tiin thu chunga tih chu a awlsam zawk niin a sawi bawk.