May 18-21, 2023 chhunga 6th MMA India Senior National Mixed Martial Arts Championship Lucknow-a khelh turah Mizoram State MMA Association (MI-SMA) chuan Mizoram aiawha khel turin mi 8 a thlang chhuak a, heng mite hian May ni 16, 2023 khan Lengpui Airport atangin Aizawl an chhuahsan.
Inelna lian hma-chhawn turin Mizoramah hian MISMA hnuaia club pahnih – SPES gym/ Dawrpui Contact Sports leh HBK Gym-ah ngawr takin training hi neih a ni a, phai atangin international fighter hmeichhe pahnih –Vridhi Kumari, Tamil Nadu leh Khushboo Nishad, UttarPradesh te chu SPES gym-ah hian national training camp hi zawm turin an lo zin a, thla hnih dawn Mizoram ah an rawn training ve nghe nghe.
MISMA President Jeremy Pautu chuan Mizoram team hi Chief Minister zahawm tak Pu Zoramthanga’n duhsakna sang ber a hlan bakah fighter 7 te chu sorkar-in sponsor thei tura hma a laksak avangin lawm thu a sawi a. Hemi kawngah hian Sports Minister zahawm tak Pu Robert Romawia chuan a rang thei ang bera hma a lo lakpui avang leh fitness test te an tihsak avangin a chungah leh a Department chelha thawk zawng zawngte chungah Mizo thalaite an ngaihsak avangin lawmthu a sawi bawk. Mizoram team zingah hian Lalmuanpuia, Sihphir hi a tirah entry a lo tel ve lo va, amah erawhchu, Chief Minister zahawm tak hian a bial mi a nih angin mi dang ang bawkin sponsorship a pe ve nghal a ni.
Senior category (kum 18 chunglam)-a khel turte hi; Nazareth Lalthazuala, Zarmawia, Lalnunmawia, David Lalmalsawma, Jonathan Lalduatliana leh , Lalmuanpuia te an ni a. Under 21 years category (Kum 18-21 inkar)-a khel turte hi Israel lalrinawma leh Malsawmthanga te an ni ve thung.
Mizo team an fehchhuak
Get real time updates directly on you device, subscribe now.
Prev Post
Next Post