Mizo tlangval hnenah award

Times of India buatsaih 2nd Business Awards-ah North East Consultancy Services chairman, Aizawl Football Club director ni bawk Vanlalfelpuia Royte chu North East Young Entreprenuer of the Year Award hlan a ni a. January 24 zana Gauhati-a award semnaah Bollywood star Sharman Joshi chuan award hi a hlan a ni.
India rama media house lian ber zing ami Times Group leh an partner-te buatsaih Times Business Awards hi category hrang hrangah North East-a mi hlawhtling, Times Awards dawng tlaka thlanchhuahte pek an ni tih chief organiser Dr Soumen chuan sawiin, award dawng turte hi kiltina zirchianga an thlan a ni tih a sawi.
NECS-in state pathum – Meghalaya, Nagaland leh Mizorama hmasawnna atana hna an thawhhlawk avangte, Aizawl FC tana sum thawha India team leh club hrang hranga khel tur player engemawzat chherchhuak a, thalai tam tak eizawnna an siam avang leh, sum leh hamthatna hmuh let tur awmloah midang an tanpui thin avanga he award hi Vanlalfelpuia Royte hnenah hian hlan a ni tih organsier-te chuan an sawi.