Mizo zinga pediatrician super specialist hmasa ber lawmpui

Mizo zingah naupang lam doctor super specialist hmasa ber chu Dr F Remthangpuii a ni a, East Lungdar khua a ni. Ningani khan Hrangturzo bialtu MLA, adviser to CM Lalmuanpuia Punte chuan lawmpuina hun a buatsaih.
Dr F Remthangpuii d/o F Lalchawimawia, Eest Lungdar hian Dr. NB/super specialist in Pediatric Critical Care hi Artemis Hospital Gurgaon atangin tunhnai khan a zirchhuak a ni.
Adviser to CM chuan doctor-ah pawh super specialist kan nei tam lo hle a, naupang lam super specialist Dr F Remthangpuii kan nei chu a lawmawm hle a, a bial chhung mi, East Lungdar nula a lo ni lehzel chu a lawm hle tih a sawi.
“An ni ang super specialist tan post awmsa kan nei mai lo chungin, mipuiin a tangkai thei ang bera kan chhawr theihnan Health minister bulah a chanchin ka lo sawi anga, mipuiin a thiamna an chhawr tangkai theihna turin theihtawp ka chhuah dawn a ni,” a ti.