Mizoram basketball inpui Zarkawt chak Mipui \an hlawh Bvt tawlh thlu!

Mizoram basketball inpui Zarkawt chak
Mipui tan hlawh Bvt tawlh thlu!
Icfai University Inter veng Under 23 khelh mekah Zarkawtin final an lut a, an tumpui Betlehem VT erawh thlawptu mipui ngah teh mah se, an liam a tul!
He inkhelah hian Zarkawtin Bvt hi 98 – 69 laiin an tlawm a, an inthlauhna hi point 29 zet a ni!
‘It’s coming home’ tiin England national football team ang maiin Zarkawt hian nomawi an nghakhlel a, ram pum huap basketball intihsiakna ah a tha pawl ni thin mah se nomawi an chawi lo rei ta.
An coach Dino tan tak pawh hetiang taka thlawptu an nei tha hi chak loh a hrilhhai thlak lutuk dawn.
Inkhel tan nan hamrik a ri a, tunhnaia zirna avanga hriathlawh zual Hnehpuia bawk kan hmu leh a, he nau hi Jr. NBA academy lamah lo awm tawh leh USA basketball hip pha ngat tawh kha a ni bawk nen, a game a puitling tual tual.
Ani hian Bvt defense a paltlang hneh thei fu – point 25 a nei leh thei. |angkai si, tumpuite tana hnawk bawk si Ruatkima (19 points) hi Bvt tan harsatna siamtu a ni a; Ruatsanga (16 points) leh Sangzela (16 points) hi chik tham an ni ta bawk.
Bvt kaihruaitu, BFI A panel referee ni pha Sangtea hian a nau ten tawiawmtu an that zia kha a lawm rualin an game tha tawk lo erawh kha chu a lunghnur ngei ang.
Rebounds la thei lo Bvt tan erawh Steven (20 points) game tha vut lo mah se, point erawh a thehlut nual. Tokena (13 points) leh Hlutea (11 points) bakah Papuia (8 points) te pawhin cho loh an tawng hi an khelh fuh loh tum a ni – pawm a harsa lovang.
Bvt hi kan sawi thin, kan sawi nawn leh ang. An veng hmingpu a inlan thin te thlahthlam ngai lo, veng lian an ni a, he an chak lohna hian nghawng tha chhuah mawlh rawh se – an aia team lian an tawng tlat hek.