Mizoram BJP-in Manipur BJP sawrkar thiah duh

BJP Mizoram chuan Manipur-a BJP sawrkar chu thiah a, President’s Rule-a dah an duh tih an sawi.
BJP Scheduled Tribe Morcha Mizoram Pradesh thuchhuak chuan, Manipur state chhunga tlangmiten harsatna nasa tak an tuar chu pawi a tiin, Manipur-a tlangmi leh Meitei hnam inkar buaina vanga tlangmi nunna chân mi 100 chuang leh an chhungte an lainatin a tawrhpui takzet tih a sawi.
Khaw tamtak leh biak in 220 chuang hal a nih hnu pawh a, tun thlenga Meitei-ten Scheduled Tribe-te an la beih chhunzawm reng chu pawi an tiin, hnam leh sakhua anga inhmelmakna nasa zawk a chhuah hmaa buaina tihtawp thuai tul an tih thu a sawi a ni.
‘Heng thil thlen chhanah hian Manipur sawrkar N Biren Singh kaihhruai hi mawhphurtu ah kan ngai a. Central sawrkar hian Manipur sawrkar hi thiat a, President’s Rule-a a puan thuai kan phut a ni,’ a ti.