Sawrkar laipuia Ministry of Environment, Forest & Climate Change chuan state ramria Mizoram leh Assam inepna karah Assam special chief secretary (Forest) chu Forest (Conservation) Act bawhchhiaa ramngaw humhalh chhunga an state police tan camp a siamtir chhan sawifiah turin a ti.Ministry of EF&CC regional office Shillong chuan Assams special CS (Forest) MK Yadava hnenah ‘show cause notice’ pe in, forest reserve chhungah Assam police commando battalion camp siam a tumnaah thuneihna pe theitu hnena dil loin, Forest (Conservation) Act 1980 bawhchhia in a che tih a sawi a. Hetianga a tih chhan leh a chunga dan anga hma lak a nih loh chhan tur sawifiah turin a ti a. Kumin May 14 khan notice hi pek niin, ni 60 ral hmaa sawifiahna pe tura tih a ni.
Assam special CS hnena notice pek a nih chhan hi, Inner Line Reserve Forest huamchhung, hectare 44 vela zauah hetianga police camp siam tura a lo remtih vang a ni.
Thuthar thehdarhtuten an kawmnaah MK Yadava hian a hnena show cause notice an pek, mipui hriat tura media lama a putru chu mak a tih thu a sawi a. Mizoram sawrkar chu Assam lam ram hectare 5000 luah luiah puhin, insawifiah ve tura tih an ni ve lo chu mak a tih thu te; ramria buaina a awm laia Assam police 6 thihna chungchang pawh a sawilang a. Assam lam thiam loh chantir tumnaa thil puanhnuai a awm nia a rin thu te a sawi a ni.
Mizoram epnaa police camp siamah Assam CS insawifiah tura tih a ni
Get real time updates directly on you device, subscribe now.
Prev Post