Mizoram startup zirchiangin
IIM Bangalore atangin lokal
India rama entrepreneurship tihmasawntu institute tha ber pawl, IIM Bangalore NSRCEL chuan Mizoram an rawn tlawh a. Ni thum chhung Mizoram startup leh entrepreneur-te an zirchian hnuah Nilaini khan Mizoram CSR Cell chairman, adviser to CM TBC Lalvenchhunga nen an inkawm.
Mizoram CSR Cell anga Bangalore-a an hmunpui an tlawhna in rah tha a chhuah chu lawmawm a tih thu TBC Lalvenchhunga hian a sawi a. An sawmna anga Mizoram rawn tlawh a, startup ecosystem an rawn zirchiang chu a hlu hle tih a sawi a ni.
Mizoram sawrkar chuan entrepreneurship leh startup chawikanna atan Bana Kaih Scheme a duan bakah Venture Capital fund a siam a. Thalai tam takin an chhawr hle dawn tih adviser to CM hian sawiin, helama hmalaknaah hian NSRCEL leh Mizoram thawhhona thain nasa takin a pui dawn nia an hriat thu a sawi bawk.
NSRCEL hi startup incubation centre niin, IIM-Bangalore hnuaia awm a ni. Thawktu lokalte hi Mizoram Startup Mission-in lo dawngsawngin, Commerce & Industries department, MZU Incubation Centre, TILI leh entrepreneur hrang hrang an tlawh. An rin aiin Mizoram-in entrepreneurship lama hma an lo sawn thu sawiin, hmasawn zelna tur nia an hmuh an sawi a ni.
Mizoram startup zirchiangin IIM Bangalore atangin lokal
Get real time updates directly on you device, subscribe now.
Prev Post