Mizorama ni 100 inhlawhna kalpui
dan Puducherry-in rawn zirchiang
Mizoramin MNREGA scheme-a kalpui dan zirchiang tura lokal Puducherry DRDA minister AK Sai J Saravanan Kumar leh a team-te chuan Nilaini khan Rural Development minister Lalruatkima leh department hotu dangte an kawm.
Minister Lalruatkima chuan Mizoramin hlawhtling taka MGNREGA scheme-a kalpui theih chhan chu deparment thawktute inpekna, thawhrimna leh beneficiary-te atanga tawiawmna tha a awm vang nia sawiin, rethei leh khawsak harsa zawkte tanpui chu sawrkar thil tum lian ber pakhat a nih avangin MGNREGA chu uluk, felfai leh dik taka kalpui a ni tih a sawi. Mizoram chu India ramah pawh MGNREGA kalpui tha ber zing ami a nih thu leh lawmman pawh an lo lak fo tawh thu a sawi a ni.
Puducherry minister chuan Mizoramin tha taka MGNREGA scheme a kalpui thei leh ‘100% target achievement’ a nei thei chu RD minister thawhrimna leh inpekna a ni tiin, Mizoram kalpui dan tha chu an state-a hman ve theih nan theihtawp a chhuah tur thu a sawi.
Zirhona atang a alan danin tunah hian MGNREGA chu Mizoram khua (gram panchayat) 866-ah kalpui mek a ni a, job card 214384 pek chhuah tawh niin, MGNREGA hnuaia inhlawh thin mi 229685 an awm mek. MGNREGA hnuaiah hna 18945 tan tawhin, heng zinga hna 13887 chu zawh a ni tawh a, hnathawh zawh tawh zat hi zaa 73.3 a ni.
Mizorama ni 100 inhlawhna kalpui dan Puducherry-in rawn zirchiang
Get real time updates directly on you device, subscribe now.
Next Post