Mizoramah event nghat turin sawm Tourism lama thawhdun dan sawi

Guwahati-a kal Tourism minister Lalnghinglova Hmar chuan Inrinni khan Assam Tourism minister Ajanta Neog a kawm a, tourism hmasawnna kawnga Assam leh Mizoram sawrkar thawh dun dan tur a sawipui. Event huaihawt thin ho chu Mizoramah rawn nghat turin a sawm nghal bawk.
Minister hian Mizoramin nikum September atanga rail connectivtiy a neih hnuah nasa takin khualzin an pung a. Mizoram tlawhtu khualzin tam zawk chu Assam atanga lokal an ni, tiin, hei hian tourism kaihhnawihah state pahnih inkara thawh dunna tha zawk neih a tul zia a tilang a, thawhhona nghet zawk an neih a beisei tih a sawi.
Assam Tourism minister hian Mizoram nena thawh dunna tha neih chu Assam duhthusam a ni a, state pahnih tana thil lawmawm a ni tih a sawi ve bawk.
State pahnih Tourism minister hian department kaltlanga thawhhona mumal zawk neih tha an ti a. India rama langtham tourism-a hmasawnna chak leh langsar nei tur chuan Assam leh Mizoram bakah hmarchhak state zawng zawng thawhho tlan a pawimawh tih an sawi a ni.
Mizoram sawrkarin kumin chhunga tourism event leh festival hmachhawp a neihte Assam Tourism minister hi Lalnghinglova Hmar hian hrilhin, Mizoram lo tlawh a, festival hmanpui turin a sawm a. Ajanta Neog pawhin lo zin ngei a tum tih a hrilh a ni.
Mizoram minister hi Guwahati-a hman – event mangament, tourism leh hospitality lama company lian leh langsarte