Mizoramah mobile phone a tam a,
kum tin a pung bawk. Chhiarpui hnuhnung bera mihring zat aiin mobile phone hi a tam a, mi engemaw zatin phone pakhat aia tam an nei tihna a ni.
Economic Survey of Mizoram (2022-2023), tun hnaia chhuakah Mizorama mobile phone awm zat chu 1,483,213 a nih thu tarlan a ni a, Economic Survey bu hmasaah khan 1,261,279 a ni.
Kum hmasa lam ang bawkin Airtel an lian ber a, airtel hian subscriber 706184 an nei. BSNL-in 280056 neiin an dawt a, Vodafone & Idea-in 102573, Jio-in 394400 an nei. Mizoramah heng service provider palite hi an awm.
Vodafone & Idea leh Jio te hi district pathum- Saitual, Khawzawl leh Hnahthial-ah te an la lut lo.
A district zawnga chhutin, kum dang ang bawkin Aizawl District-ah mobile phone a tam leh ber a, 729524 a awm. Kum dang ang bawkin Lunglei District-in an dawt a, 232422 a awm.
Saitual District-ah 213 a awm a, Hnahthial District-ah 480, Khawzawl District-ah 1404 a awm. Hetiang hi a chhinchhiahnaa a lan dan ni mah se a tak takah chuan heng district pathumah hian hetiang zat aia tam daih hi a awm a, district danga connection ti a awm teuh theih tih thu dawn a ni.
Mizoramah Mobile Phone pung zel
Get real time updates directly on you device, subscribe now.
Next Post