Mizoramah sam phun theih dawn

Sam tlakawlh tawh sam to tir leh tura a phunna chu Aizawlah hawn a. Inrinni khan Dr Lalrinliana Sailo chuan he dawr – LBS NewLife Clinic hi a hawng.
Mizo zinga orthopedics specialist hmasa ber Dr Lalnunpari Sailo enkawl tur he dawrah hian sam tla thinte harsatna sukiang turin hemi kawnga thiamna bik nei doctor leh nurse-ten khawl changkang hmangin hna an thawk dawn a, hauh lawk engemawzat an awm tawh tih sawi a ni.
Skin specialist (MD – Dermatology, Venereology, Leprosy) Dr Lalnunpari hi sam phun (hair transplant) lama thiamna bik nei a ni a, training chhuak hair technician pahnihin puiin thiamna bik nei midang nen an vaiin hnathawk mi 8-in he Clinic hi an vil dawn a ni. Sam phunna bakah hriselna kaihhnawih thil dang – physiotherapy, ultrasound, x-ray, endoscopy leh thisen lakna laboratory an bun tel nghal bawk.
LBS NewLife Clinic hi Transport directorate bul JL Building Tuikualah an inbun a ni.