International symposium, Mizo piputen arsi leh vansang chanchin an hriat leh zir dan chanchin zir hona chu a ni hnihna atan Zirtawpni khan neih a ni a. Mizoram University vice chancellor Prof. Dibakar Chandra Deka chuan a hmanpui.
Australia Tasmania-a Hive Planetarium principal astronomer Dr Martin George chu keynote speaker a ni a. Arsite leh vansang lam chanchin chu mi zawng zawng huapzo, mihringte thinlung nen inhnaih tak a ni, tiin, khawvel hmun hrang hrangah hnamtin ten sakhuana leh hnam ziarang mila arsi thawnthu an neihte a lem nen a entir a. Mizo pipute pawhin arsi an lo ngaihven leh thawnthu mai bakah Mizo thu leh hlaa hmun pawimawh tak an lo chang chu ngaihnawm a tih thu leh chhinchhiahtlak tak a nih thu a sawi a ni
Symposium-ah hian MZU zirlai leh zirtirtute bakah Dawrpui School of Science & Technology, Mt. Carmel School, St. Joseph HSS leh St. Paul’s HSS zirlaite an tel a. Sawihona hunah school naupangten zawhna an neih chu Dr Martin George hian a chhang a ni. Hemi hnu hian Mizoram Science Centre Berawtlangah symposium buatsaihtute leh chhimtuten Dr Martin George an kawm a, Planetarium an tlawh bawk.
International symposium ni hnih awhah hian Prof. Laltluangliana Khiangte chuan Rev. Liangkhaia ziak lehkhabu “Arsi Chanchin: Mizo hriat dan” tih a tlangzarh a ni.
Mizote arsi hriat dan sawi zawm
Get real time updates directly on you device, subscribe now.