MJA-in kawng siam enfiah

Mamit to Bairabi Road, National Highway No.6-a puan tawh kawng chhe lai thawmthat mek chu May 31 khan MJA Mamit District chuan a hmunah an enfiah a. Thawktute hian sum an hmuh loh avangin hna thawh chak an harsat phah nia a lan thu an sawi.
Kawngpui thawmthat hna thawhna tur sum hi Ministry of Road Transport & Highways (MoRT&H) hnuaiah Short Time Management Scheme atangin cheng vaibelchhe 4.33 senga thawh tur niin, he hna hian kawng bavai, tui luankawr siamthat, kawng khuar zual lai hnawhthat a keng tel.
PWD Highway Division chuan he hna hi kumin April thlatir atangin a thawk tan a. Kawng chhe lai thawmthatna atan hian cheng nuai 358 ruahman niin, side drain leh kawngba samna tur hian a dang zawng ruahman a ni.
Mamit atanga km.22 hi Higway Division II-in khawihin a bak zawng, km.18 chu PWD Highway Division III-in an khawih a. Km. 9-12, km.14-15 inkar chu a chhe zua llai niin tunah khawih mek a ni. He hna hi kum khat chhunga thawh zawh tura ruahman a ni.
Kawng thawmthatna sum hi pek chhuah theih ala nih loh avangin tunah hian hnathawhnaah cheng nuai 40 vel an ba tawh tih thawktute hian an sawi a. Sum an pek chhuah theihloh avang hian hna an thawk chak lo ni bera ngaih a ni.
PWD hotuten MJA member-te zawhna an chhan danin, kawng laih thar turah kawng zawn hna an zo fel thawkhat tawh a; kumin October-ah chuan RO Guwahati-a an thehluh fel hnuah, an lo pawm chuan, ram lak turte tihfel zawhah MoRT&H ah kalpui leh tur a ni a, an tluan chuan March 2025 velah hna tan mai theih an inbeisei tih an sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More