Zirlaite tan Abacus Mastermind inelna
ZoCareer Solutions chuan zirlai kum 7 atanga 13 inkarte an thluak leh rilru chakna, thil chhut thiamna leh inrintawkna a neihna atan 1st State Level Abacus & Mental Arithmetic Competition 2024 chu Inrinni khan Aizawlah an buatsaih.
School Education minister Dr. Vanlalthlana chuan a hmanpui a. Mizo zirlaiten mathematics leh science thiamna lamah hmasawnna kan mamawh tia sawiin, national level competition hrang hrangah Mizo hnam ang pawha tan a ngai tih a sawi. Mizo zirlaite kan thluak a that thu leh zirbingna thilah India ram huap pawhin kan thlen san zel tur thu a sawi a. Zirlaite chu dik leh ril tak chunga tun atanga ram leh hnam tana hlawhtling ngei tura zirna kalpui turin a chah a ni.
ZoCareer Solutions managing director Lalhruaitluanga chuan Abacus Mastermind-in a tum ber chu, zirlai naupangten mahni inrintawkna an neih theihna turte, thluak leh rilru chakna lama an hmasawnna tur leh thil chhut thiamna kawnga hma an sawn theihna atana tih a ni a, zau zawk leh lian zawkin kalpui zel an tum tih a sawi.
Intihsiaknaah hian zirlaite hi level 1, level 2 leh level 3-ah thenhran niin, zirlai 300 chuangin an hmachhawn a ni.