MJA leh DC thar inkawm

Lawngtlai district bawrhsap thar Donny Lalruatsanga chuan Nilaini khan MJA Lawngtlai District member-te a kawm.
Bawrhsap hian district hmasawnna atan theihtawp chhuahpuiah sawmin, finchhuah a ngaihnaah inthlahrunglo turin a ngen a, thuthar thehdarh kawngah thulai la, dik leh rintlak thehdarh a nih theihnan tan la turin a fuih.
MJA Lawngtlai District president Elvis Lalthangzuala hoin member-te chuan, Lawngtlai khawpui chu ramdangmi nen inchiahpiah nasa a nihnaah thil duhawmlo zawk a hrinchhuah an hlauhthawn thu sawiin, sawrkarin khauh zawkin ramdangmi khuahkhirh se an duh tih an sawi a. Lawngtlai khawpuiah zan lamah Myanmar-a lut tur bungrua lirtheia hlangkai leh hlangthlate avangin kawngpui a chepin, harsatna thleng fo thin chu awmze nei zawka ruahmanna siam tha an tih thu an thlen.
Bawrhsap chuan Lawngtlai MJA-in ngaihpaiwmawh an thlen chu a theih ang ang lo bawhzui a tum thu a sawi a ni.