MKVIB office thar hawng

Mizoram Khadi & Village Industries Board (Mizoram KVI Board) office building thar MINECO Aizawl ami chu Thawhlehni khan Commerce & Industries minister Dr R Lalthangliana’n a hawng.
Mizoram KVI Board office building luah lai chu a chhiat tak em avangin state sawrkarah building sakna tur dil thin a ni a, sawrkarin an mamawhna hria in 2021 December khan Special Assistance to States for Capital Investment (SASCI) scheme atangin cheng nuai 500 a pe a ni. Building thar hi July 2022-a sak tan a ni a, thla 13 chhungin zawh a ni.
Mizoram Khadi & Village Industries Board hi Mizoram Legislative Assembly-in statutory board ni turin kum 1986-ah a din a. Office atan hian mimal in luah hawh thin a ni. State sawrkarin MINECO-ah office hmun tur a pek avangin, mimal in luah hawh lo turin office tur semi-pucca leh Assam type building-in sak a ni a. Kum 2007-ah MINECO ah insawn niin, MINECO-a sawrkar office awm hmasa ber pawl a ni. Tunah hian thawktu 134 an awm mek.