MLA atan Dr R Lalthangliana lalut

MLA atan Dr R Lalthangliana lalut
Dampa bial by election-a thlantlin Dr R Lalthangliana chu Assembly speaker Lalbiakzama’n Thawhlehni khan rinawmna thu tiamtirin MLA atan a lalut.
Lakluh inkhawmah hian speaker chuan MLA thar hi India Danpui hnuaiah rinawmna thu a tiamtir a, hemi hnu hian lakluh a ni. He hun hi chief minister Lalduhoma bakah minister thenkhat, deputy speaker Lalfamkima, leader of Opposition Lalchhandama Ralte leh MLA dangte an tel a. MNF ticket-a thlan tlin Dr R Lalthangliana lakluh a nih hnu hian seat 40 awmna Mizoram State Legislative Assembly-ah MNF hian a hma angin MLA 10 tho a nei a ni.
MLA Dr R Lalthangliana hi 1956 August 6-a piang a a ni a. Kum 1982-ah Ngurmawii Sailo nen inneiin fapa pahnih an nei. Thiamna lamah NEHU hnuaiah M.Phil Grade ‘A’ ah zoin, kum 1986-ah Ph.D a zo leh a. NEHU Sociology Department-ah M.Phil zo hmasa ber leh Ph.D Degree la hmasa ber a ni. NEHU hnuaiah Mizo zinga Ph.D zo hmasa ber a ni bawk.
Kum 1986-ah Mizo National Front party a zawm a, nihna hrang hrang a chelh tawh a, tunah senior vice president a ni mek. Term 6 MLA a ni tawh a, heng zinga term 3-ah hian cabinet minister a ni.