Ram pum huapa ruihhlo do beihpui thlak champha lawm

Ram pum huapa ruihhlo do
beihpui thlak champha lawm
Nasha Mukt Bharat Abhiyaan (Drug Free India Campaign) in kum 5 a tlin lawmna pualin sawrkar laipui Ministry of Social Justice & Empowerment chuan Thawhlehni khan Amritsar-ah ‘Prime Minister Event’ a buatsaih a. A hmunah leh online-in Ministry of SJ&E changtu prime minister Narendra Modi bakah state tina chief minister-te leh sawrkar mi pawimawhte an tel.
Mizoramah pawh State Level Nasha Mukt Bharat Abhiyaan buatsaihin lo hman a ni a. Social Welfare minister Lalrinpuii chuan ruihhlo do chungchanga hriat tur leh mitin mawhphurhna a sawi. Tlawmngai pawl leh kohhran nen tanghoa nasa taka do a ni, tiin, a chhimtu zirlaite hnenah ruihhlo chu mihring hmasawnna daltu lian ber leh nun titawitu a ni tih hrereng turin a chah.
NMBA hi India ram state 28 leh union territory 8-ah kalpui mek niin, district zawng zawng a tuam vek a. District tin bawrhsap-te kaihhruaiin ruihhlo la ti ve lote venhim an nih zel theihnan leh a ti tawhten enkawlna an dawn theihnan hma an la a ni.
Lawmna hun hman hi India ram hmun hrang hrang ami a tam thei ang berin an chhim theihnan online-in buatsaih a ni a. Sawrkar department, zirna in leh ruihhlo dotu pawl hrang hrang pawh sawm an nih angin online-in an tel a ni.