MLA-in a bialah tuizem sem

MLA-in a bialah tuizem sem
Serlui bialtu MLA Lalrinsanga Ralte chuan a bial chhung khaw hrang hranga tui thianghlim dahkhawlna tur mamawh tan plastic tuizem a sem a. Zirtawpni khan Bilkhawthlir leh Vairengte atangin vailiam a ni.
Tuizem sem tur hi thuang hrang hranga then niin, a thawh khatnaah chhungkaw 360 an awm a, tuizem hi litre 1000 dawng a ni.
MLA chuan tuizem sem a nih chhan chu a bial chhunga mi harsa zawkten tui thianghlim leh hrisel an in theihna tur a nih beisei leh, thal tui harsat zualpui laia tui thianghlim in tur mamawhna phuhruk theihna a nih beiseia ti an ni tih a sawi a. MLA Fund chu a bial chhung khaw hrang hrang hmasawnna atan leh hmeithai, mi harsa zawk leh kuthnathawktute tan a tam thei ang bera hman a tum thu leh tuizem chu sem zel a nih tur thu a sawi a ni.
Inthlan dawnah tha bik leh fel bika insawiin ZPM-in enchhin tura Zoram mipui tam tak an hmin lai pawha Serlui bial mipuiin amah duhsak a, ringtawka an la thlantlin avangin lawmthu a sawi tih Lalrinsanga Ralte hian sawiin, Serlui bial mipui tan a theihna zawng zawng senga theihtawp a chhuah reng tur thu leh an harsatna a hnena thlen thin turin a chah a. Theihtawp a chhuahsak zel tur thu a sawi.