MLA inthlan laia inzirtirna lam tichhuak tha te lawmman hlan

hief Electoral Officer office Media Cell-in 2023 Mizoram inthlanpui neih dawn laia nitin chhuak chanchinbu zinga mipui hnena inthlan chungchang leh vote thlak tura inzirtirna lam hawi kalpui tha a thlanchhuah hnenah Zirtawpni khan addl. CEO, Media Cell nodal officer Dr H. Lianzela kaihhruaiin lawmman hlan an ni.
Addl. CEO chuan inthlan kalpui chhunga mipui zirtirna pek kawnga media kaltlanga hmalakna chak zawk a awm theih nana intihsiakna hi buatsaih a ni tih sawiin, tehfung hrang hrang siam zulzuia endik a ni tih a sawi. Media-te chu democracy khaidingtu leh vawnghimtu pawimawh tak ‘fourth pillar of democracy’ an ni, tiin, Election Commission of India-in an pawimawhna a hmuh hmaih loa, hmalakna pawimawhah a telh zel thin tih a sawi a ni.
Lok Sabha Election 2024 ah thawhhona tha zawk neih leh ngei a nih theih nan chanchinbumite tawiawmna a ngen nghal bawk.
Intihsiak hi 2023 October 26 atanga November 6 chhung neih niin, tehfung hrang hrang (frequency, editorial, headline & first page top corner slogan) hmangin endik a ni a, November 15 khan result puan a ni. Lawmman hian citation bakah pakhatnain sumfai Rs. 30000, pahnihna Rs. 20000 leh pathumna Rs. 10000 a kengtel.
Pakhatna Virthli (Aizawl), editor – K Zothankhuma; 2-na Lenrual (Champhai), editor – Lalhlupuia; 3-na Zothlifim (Serchhip), editor – C Lalrochhuanga a ni.