MLA leh MDC nih kawp hi duhamna rawngkai niin a lang – LADC chairman

State Legislative member leh District Council member nih kawp theih loh tih dan awm lo mah se, nih kawp an duh loh chhan ber chu duhamna rawng kai leh midang chherchhuahna kawng daltu anga a lan theih vang niin Lai Autonomous District Council chairman VL Hmuaka chuan a sawi.
Nilainia Lawngtlaia thuthar thehdarhtute a kawmnaah VL Hmuaka chuan Lai ADC-ah sawrkar thar a piang thei ta chu lawmawm a tih thu a sawi a. Sawrkar a mumal loh chuan mipuiin an tuar thin, tiin, LADC-ah sawrkar tha tak, CEM viak tha leh kum lamah pawh la naupang, thalai sukthlek hria an nei chu lawmawm a tih thu a sawi.
Zawhna chhangin LADC chairman chuan, MLA leh MDC chu a nih kawp theih loh tih District Council inekawlna danah a awm loa, MDC nilai MLA-a thlantlin an awm fo tawh a, hengte hian MDC zawk bansanin MLA an ni zui tlangpui tih a sawi. A chhan ber nia lang chu, duhamna rawng kai leh midang chherchhuahna kawng daltu anga an lan theih vangin nihna chelhkawp chu tih awma an ngaih loh vangin MDC zawk an bansan thin tih a sawi a ni.