MLA Papuia’n Luangmualah Cultural Meet hmanpui

MLA Papuia’n Luangmualah Cultural Meet hmanpui
Nimin khan Art & Culture Department, Mizo Cultural Organisation (MCO) General Headquarters Lunglei leh Luangmual Local Council & Branch YMA te \ang ho huaihawtin 2nd Bn MAP Office Complex, Luangmual, Lungleiah cultural meet buatsaih a ni a. Lunglei South bialtu MLA Lalramliana Papuia chuan Khuallian niin a hmanpui.
Lalramliana Papuia chuan Zo nun zia leh culture pho chhuahna hun hlu tak, cultural meet buatsaih a ni chu lawmawm a tih thu a sawi a. Pi leh pute nun dan \ha – aia upa zah thiamna te, tlawmngaihna te leh thuhnuairawlhna te kan nunpui loh chuan kan hnam zia a boral zel dawn a ni tiin, Zo nun zia chawi nung a, vawng nung zel turin kal khawmte chu a chah.
Khual zahawm Francis Lalnuntluanga Ralte, Commandant, 2nd Bn MAP pawhin thu sawiin, khawvela hnam hrang hrangin tih danphung hrang, culture hrang an nei \heuh va, mahni hnam tih danphung vawn \hat chu hnam ropui zia a ni, a ti bawk.