MNF MLA nilai tam tak chhawk dawn – Lalsawta

MNF MLA nilai tam tak
chhawk dawn – Lalsawta
Candidate chang loin MNF MLA nilai tam tak chhawk an ni anga, October atangin MNF chim runpui a thleng dawn tih Congress president Lalsawta chuan a sawi.
Zirtawpnia Congress Bhawan-a political session-ah Lalsawta chuan October-ah Election Commission-in inthlan a puang anga, hemi atan hian MNF-in SEDP a vauchher a, hmangaihna tel loa ngaihzawng neih ang a ni, tiin a sawi. “Candidate chang loin MNF MLA ni lai tam tak chhawkin an awm dawn a, October atangin MNF chim runpui a thleng dawn,” a ti.
MNF ang maiin party pakhat chu sawrkar tha siam tum si loin sawrkar hrim hrim tumin Mizote pawikhawihtu BJP sum hman tangkai theih beiseiin thimhnuaiah a rukin an vak vel ruai niin a sawi bawk a. “An lungmuanna chu BJP sum a ni a, sum pawh an ngah dawn. Heng mite hian kan hnam, sakhua leh ram mipui dinhmun him loa dah a, chhuan lo kal leh turte pawi an sawi a ni,” a ti.
India ram roreltu BJP leh MNF chuan kawng tha, ram enkawl dan tur tha, ei leh bar zawnna kawnga hmasawnna turte an sawi ngai loa, sum chiah an sawi thin tih MPCC president hian a sawi. Mizoramah pawh MADC leh CADC ah sum chakna in mipui thlan rorelna an namthlu zel a; Manipur-ah nasa takin Zofa unauten BJP rorelna an tuar bawk tih a sawi. “BJP nihte, BJP fakte a tiha kan tih ngai loh kha hmanni lawk a ni. Tunah chuan BJP sum it vangin mi pangngai tak takte pawhin BJP fakna an chhakchhuak ngam ta,” a ti.