MNF party inrelbawlna a tha ber – Chuauzikpuii

Mizorama political party zingah MNF party inrelbawlna a tha ber a, chu chu an sawrkar leh chhan tur tha tak a ni tih AMC corporator Chuauzikpuii chuan a sawi.
Nilainia Sialsuka Aizawl South-III MNF campaign khuhhawnnaah AMC corporator chuan chhungkaw inrelbawlna tha atangin mitha an chhuak thin angin, Mizoramah MNF party inrelbawlna a tha ber a. Hei hi an sawrkar leh chhan tur tha tak a ni tih a sawi.
“In biala candidate-te hi an awmna turah an awm em, an thawh tur thawk loin thildang an ti daih em, tih uluk takin lo zir rawh u. Bial mipuiin lo chik ula ka duh chu, tuna in MLA, MNF candidate ni leh ta hi a candidate puite aia mahni mawhphurhna hlen tha ber a ni,” Chuauzikpuii hian a ti.