MNF sawrkar laia hmun hrang hranga Zofa awmten harsatna an tawk leh tuamhlawm an ngai chu, Pathianin thil tum a nei nia a ngaih thu minister Dr R Lalthangliana chuan a sawi.
Inrinnia MNF South Tuipui East Block huaihawta Thingsaia hun neih a hmanpuinaah South Tuipui bialtu MLA ni bawk Dr R Lalthangliana chuan Myanmar, Bangladesh leh Manipur atanga Mizo hnahthlakte MNF sawrkar lai ngeia lo tuamhlawm an ngai chu Pathianin thil tum a nei nia a rin thu a sawi. Nakinah chuan India ram chhung leh India ram pawn thlengin rorelna pakhat hnuaia kan awm theihna turin chunglamin thil tum a nei nia a ngaih thu a sawi bawk.
Kawng hrang hranga Mizoramin harsatna a tawk chungin, Pu Zoramthanga kaihhruai sawrkar chuan ram tana rotling hna tam tak a thawk tih a sawi.
Tuipui ‘D’ Darzokai lei, pik up leng tawk tawka kal theih chu truck lian ke 14 nei insulpel theih leh Mizorama lei sei ber dawh turin BRO hnenah vawi tam a thlen tawh chu a hlawhtling ta tih minister hian sawiin, “Cheng nuai hlir nuai 9100 senga tender koh tawh a ni a. Keini’n a lung phum mai tura kan inbeisei laiin, sawrkar laipuiin kan project a nih avangin keinin kan ti mai ang, an ti a; an ti ve mai turah ka ngai,” a ti.
Thingsai- Pangkhua inkalpawhna defence road, BRO hoin an laih chu km 22.38 hmabak a la awm tih a sawi a. Chumi chhunzawmna tur chu BRO hotupa hnenah thlenin, nasa taka a nawr hnuah national highway single lane anga laih turin Ministry of Defence chuan cheng vaibelchhe 111 a dah tawh tih a sawi a ni.
MNF sawrkar hnuaiah Pathianin tum a nei – Dr R Lalthangliana
Get real time updates directly on you device, subscribe now.
Prev Post