MNF sawrkarin health care a ngaipawimawh – Dr ZR Thiamsanga

MNF a sawrkar laiin mipui hriselna leh a kaihhnawih a ngaipawimawh a, bul tantu a ni thin tih MNF adviser Dr ZR Thiamsanga chuan a sawi.
Zirtawpnia MNF office, Mizo Hnam Run inkhawmah Dr ZR Thiamsanga chuan MNF sawrkarin healthcare a ngaipawimawh a. An sawrkar hmasa hunah Falkawn Referral Hospital a din chu Congress sawrkarin medical college turin a upgrade a. MNF sawrkar kalta khan a tihpuitlin hna a thawk a. Tunah chuan medical college ropui tak kan nei chho ta tih a sawi.
Primary healthcare-ah MNF sawrkarin Sub-Centre awm lohna khuaah health clinic 235 a dah a. Sub Centre 373 chu Health and Wellness Centre-ah a upgrade bawk a. ZPM sawrkarin health clinic zawng zawng a titawp ta chu ngaihtuah tha leh turin an ngen tih a sawi
MNF sawrkar chu healthcare ngaihpawimawh bik a nih avangin Niti Ayog tehna, small state zingah Mizoram chu a titha ber kan lo ni tawh tih a sawi bawk.
Mizoram State Health Care Scheme chu MNF bul tan a ni a, a tihchangtlun nan ADB-ah cheng vaibelchhe 150 dil a nih mek laiin, Congress sawrkar khan natna thenkhat chauh bill theih turin a hman chhunzawm tih MLA hlui Dr ZR Thiamsanga hian a sawi. “Kum 2018-a MNF sawrkar tirh khan kumtin cheng vbch. 50 dah tumin a kalpui a. Natna zawng zawng bill theiha siam a ni a, enrollment pawh a pung nasa hle. Hrileng vangin duh angin kan kalpui thei ta loa, healthcare tihchangtlun nan ADB atangin vbch. 1000 kan dil ta a ni,” a ti.
Theihtawp chhuaha an buaipui chu kumin June/ July chho hian tun sawrkar hian an hmang tangkai dawn nia a lan tak thu sawiin, “ZPM sawrkar hi a vannei hle. Healhcare ba vbch. 95 kan pe hman a, corpus fund vbch. 50 kan dah hman bawk nen, healthcare atana kan hnutchhiah zawng zawng hi a