MNF Thalai thil sawi belhchian a dawl lo – ZPM Thalai

MNF Thalai thil sawi belhchian a dawl lo
– ZPM Thalai
MNF Thalai-in Mizoram Public Service Commission thuam chak tawk loa sawrkar a puhna chu thu belhchian dawl lo a ni tih ZPM Thalai chuan an sawi.
ZPM Thalai Hqrs thuchhuak chuan, MNF Thalai-in thuchhuah siama Mizoram sawrkarin MPSC a thuam chak tawk lo nia anga a sawi hnu ah tunhnai khan MPSC office hi an tlawh ve a, sawrkarin MPSC a thuam chak dan hrang hrang a hmunah hmuhpuiin, MPSC lama thawktute pawh an lawm hle tih a sawi.
Kum khat chhunga ZPM sawrkarin MPSC a thuam chak tawh dan leh hmalakna sawiin, MSSSB thiah a nih avangin MPSC-ah post dah belh a thuam chak a ni a, A/S-1 (re-designation), JH controller 1, asst. controller 1, assistant 2, UDC 4, LDC 3 leh group D 7 bakah infrastructure atan minor works-ah funds pek niin, Grand Barrack cum Canteen sakna atan sawrkarin hma a laksak mek a, SASCI hnuaiah cheng vaibelchhe 10 chuangin hma lak mek a ni tih a sawi.
State sawrkar atangin ‘Scheme for Implementing of Persons with Disabilities Act (SIPDA)’ hmangin pianphunga rualbanlote tan inthiarna (toilet) siamna tur fund buaipui mek a ni tih sawi a ni bawk.
‘Mizoramah party pahnih, Congress leh MNF in mipui min hruai chhung khan mipui hi bungrua ang maia ngaiin nuai khat leh nuai thumin min lilam kual vel thin a. Bungrua ang leka min ngaitu MNF leh Congress hi Mizo mipuiin kan la theihnghilh lo. Heng party pahnih hi an au dan a la ngai reng a. An policy pawh a la ngai reng. Hmana an hruaitute tho kha tuna an party hruaitute hi an la nih avangin Mizo mipui tan beisei leh chi an ni tawh lo,’ ZPM Thalai chuan a ti a. Opposition tha tak ni turin MNF leh Congress chu an ngen tih a sawi a ni.