Modi hnuaiah sum chheprelh la let hnem ti

Union Minister Jitendra Singh chuan asset $ 12 billion hu vel zet chu kum 2014 atang khan Prevention of Money Laundering Act (PMLA) hmanga hrenin a awm tawh a, tun hnai kum li chhungin $ 1.8 billion hu vel Fugitive Economic Offenders Act (FEOA) hmanga laklet lehin a awm tawh tiin a sawi.
Central Bureau of Investigation (CBI) officials te chenna police medal a hlan hnua a tumkhat nana neih International Day of Police Cooperation a thusawina a neihah Dr. Singh chuan FEOA chu Prime Minister Narendra Modi kaihhruai Union government-in a kalpui tiin a sawi.
90th Interpol General Assembly, October 2022 a India-in a thlen hnuah criminal leh fugitives te ram pawna thawnchhuah pawh nasa taka tihchak a nih thu a sawi a. UPA hun lai kum 2005-2013 chhung khan India ramah misual pali vel zel thawnluhin an awm thin a, BJP sorkar hnu kum 2014 hnuah chuan 10 vel thawn luh ang zel a ni tawh tiin a sawi bawk a. Kumin hian misual 19 lai India ramah phurh luh niin kum 2022 khan 27 leh kum 2021 khan 18 thawn luhin an awm tiin a sawi.
Kum 2018-a FEOA dan siam a nih chungchang sawiin Dr. Singh chuan Modi sorkar chuan economic offenders te nasa takin a chhuizui tiin a sawi a. G-20 summit thlen lai mekin Zirtawpni khan Ministry of Personnel te chuan Anti-Corruption Working Group Meets, Gurugram-ah neih turin a lo ti lawksa tawh a ni, tiin a sawi.
Ngaih pawimawh zual pathum, information sharing hmanga law enforcement cooperation tha zawk siam te, asset recovery mechanism tihchak te leh anti-corruption authority integrity leh effectiveness tihchak te a ni tiin a sawi.
Dr. Singh chuan Prime Minister chuan fugitive economic offender te chhuina lamah nine-point agenda G-20 Summit 2018 khan lo pharh tawhin working group tena an bawhzuinaah lawmawm a tih thu a sawi bawk a.
Minister chuan United Nations General Assembly chuan December 16, 2022 khan September 7 chu International Day of Police Cooperation a hman nise an lo titawh tia sawiin chu chu kum 2023 atangin hman tan a ni ang tiin a sawi bawk a.
CBI official 35 te an hnathawh avanga chawimawina peknaah Dr. Singh chuan CBI chu India premier investigation a nih thu leh anti-corruption lama sulsutu ber a ni a ti bawk a. Mipui rin an hlawh mai bakah socio-economic inthlak danglam zelah inline child sexual abuse leh exploitation chhui chiang turin specialised unit a din bawk a. Hei bakah hian mihring inrukbo te, drugs, wildlife, cultural property te chhui turte digital space a crime awm te thlurbing tur te a siam tiin a sawi bawk.
CBI Director Praveen Sood chuan international police cooperation pawimawhna sawiin National Central Bureau for Interpol atana CBI awm chuan investigation neih lamah nasa takin a pui a, misual inthawnsak chungchangah te dap chhuahna lamah te nasa takin tangkaina a nei a ni tiin a sawi bawk.
International Day of Police Cooperation neihnaah session pawimawh tak pahnih “Leveraging Interpol’s Operation Capabilities” & “Utilisation of MHA Portal for International Mutual Legal Assistance” tih chu 9th Interpol Liaison Officers Conference-ah pawh telh a nih thu a sawi bawk.