Modi leh Mauritius PM ten Atal Bihari Vajpayee Institute hawng
Prime Minister Narendra Modi chuan Nilaini khan Mauritius Prime Minister Navinchandra Ramgoolam nen Port Louis-ah Atal Bihari Vajpayee Institute of Public Service & Innovation an hawng dun.
Modi-a chuan he zirna in hi zirna leh zirbingna neihna atana tangkai taka hman tur leh thawh hlawk tak tur a nih thu a sawi.
Mauritius tlawha zin mek, Modi-a chuan, “Prime Minister Dr. Navinchandra Ramgoolam-a nen Atal Bihari Vajpayee Institute of Public Service & Innovation kan hawng dun a. Zirna, zirbingna leh vantlang tan, ngaihdan tha zawk zawk siamna leh nakin zela hruaitu chhertu tur a ni a. Kan tan than zel leh hmasawn zelna atana min tichaktu tur a ni,” tiin X-ah a tar lang.
Nilaini vek chawhma lam khan Prime Minister Modi-a hi Mauritius-a chawimawina sang ber hman a ni bawk.
Chawimawina hlanna hun hman laihian khua a nuam lo hle a, heti chung hian ruah nasa taka sur karah Indian tam tak chu an hruaituin National Day-a chawimawina a dawng lai chu an tawiawm.
“Mauritius chawimawina sang ber ka dawng hi ka thinlung tak takin ka lawm a. Kei min chawimawina chauh a ni lo va, Indian vaibelchhe 1.4-te chawimawina a ni,” tiin a dawn zawhah Modi-a hian a sawi.
Modi-a hian a chawimawina dawn chu Mauritius-a Indian pemte tan a hlan bawk a, an ram tana nasa zawka thawk zel turin a sawm bawk.
Modi leh Mauritius PM ten Atal Bihari Vajpayee Institute hawng
Get real time updates directly on you device, subscribe now.
Next Post