Telengana CM sawiseltu chanchinbumi pahnih man

Telengana CM sawiseltu chanchinbumi pahnih man
Telangana chanchinbumi pahnih, Pulse News-a Managing Director Pogadadanda Revathi leh reporter Thanvi Yadav te chu Hyderabad Police-a Cyber Crime division chuan Nilaini khan Chief Minister Revanth Reddy chungchanga mawi lo an pho chhuah avangin man an ni.
Mi dang pakhat, X-a ‘NippuKodi’ tih account neitu hren a ni bawk.
Mi pathumte hi Congress-a state social media unit chief-in complaint a thehlut angin man an ni a. An thil pho chhuah chu inlungruala pawi khawihna leh pawi khawihna tura mi phiarna, inhuat theihna thu dik tawk lo thehdarh leh muanna tichhe thei niin a sawi a ni.
Complaint thehluh chhan hi X-a video pakhat vang niin Pulse News reporter-in mi a kawm a, a mi kawm hian chief minister lakah hian ‘tawngkam bawlhhlawh’ leh ‘sawi nawmnahna’ a hmang niin a sawi.
Chanchinbumi man an ni hi eptu, BRS chuan nasa taka sawiselin he thil hi rin loh taka Congress-in kum 2023 inthlana hnehna an chan hma kha a ni tawh niin an sawi a. An hruaitu, KT Rama Rao chuan Congress chu ‘sawiselna dawl lo’ nia sawiin ‘huat nep lutuk’ niin a sawi.
“Telengana-ah emergency puan leh a ni ta mai emaw tih tur a ni,” tiin a sawi.
X-a Nilaini tuka thu a dah chhuahah Rao-a hian Revathi-i chu dan lova man niin a sawi a, police hian zing dar 05:00-ah a inah an luhchilhniin a sawi a, Congress chet dan chu ‘emergency-style rule’ a ti.
Yadav-i an man pawh ‘mak’ a nih thu leh Telangana-ah chanchinbumite zalenna a awm ta lo niin a sawi.
BJP hruaitu, Shehzad Poonawalla pawhin ‘Telengana-a lo neitute harsatna sawi chhuahsaktu chanchinbumi an man’ chu Congress a dem thu a sawi bawk.