Morgan Wallen “I’m the Problem”-in Billboard 200-ah ro a la rel

On Jun 24, 2025 17 0

Morgan Wallen “I’m the Problem”-in Billboard 200-ah ro a la rel
Morgan Wallen album “I’m the Problem” chu Billboard 200 (albums) chart-ah No.1 a ni a, he chart-a kar nga a No.1-na a ni ta a, hetihrual hian ATEEZ ‘GOLDEN HOUR: Part.3’, Lil Tecca ‘DOPAMINE’ leh Brandon Lake ‘King of Hearts’ te pawh top10-ah an debut.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album a hla a mal a hralhna atanga album tlukpui te belhkhawm thin a ni.
Morgan Wallen “I’m the Problem” hi 1,86,000 hralh lehin, album hralhna hi chart week hmasa zawk aiin 11%-in a tlahniam a, 1,76,000 chu streaming atanga album tlukpui (on-demand official stream maktaduai 229.99) niin, album tak tak hralh chu 9,000 a ni a, album a hla a mal a hralhna atangin 1,000 a tling thei bawk (album a hla a mal a 10 hralh leh album pakhat hralh intluk a ngaih a ni).
“I’m the Problem” hi chart a a zawna kar nga a No.1-na a ni ta a, a album hmasa zawk “One Thing at a Time” kha March-June, 2023 khan a zawnin kar 12 a No.1 thei a (a zawn lo chuan kar 19 a No.1), hemi hnua Billboard 200 chart-a a zawna kar nga No.1 ni leh thei hmasa ber a ni.
K-pop group ATEEZ album ‘GOLDEN HOUR: Part.3’ chu 1,05,000 hralhin No.2-ah a debut a, chung zinga 1,01,500 chu album tak tak hralhna niin, streaming atangin 3,000 (on-demand official stream maktaduai 4.07) leh album a hla a mal a hralhna atangin 500 a tling thei bawk. Hla panga awmna, ‘GOLDEN HOUR: Part.3’ hi ATEEZ album he chart tyop 10-a lang theo pasarihna a ni.
Lil Tecca album thar ‘DOPAMINE’ chu 48,000 hralhin No.3-ah a debut a, chung zinga 45,000 chu streaming atanga album tlukpui(on-demand official stream maktaduai 65.31) niin, album tak tak hralh chu 3,000 a ni bawk. Hla 17 awmna ‘DOPAMINE’ hi Lil Tecca album chart top 10-a lang thei pangana niin, he chart a a tawn sân ber tum a la ni.
‘DOPAMINE’ hi chart No.1 lo ni tawh album pathumin a dawt a, SZA ‘SOS’ chu 48,000 tling lo deuh hralh lehin No.5 atangin No.4-ah a insawn leh ret a, Morgan Wallen ‘One Thing at a Time’ chu 40,000 hralh lehin No.8 atangin No.5 a kai thar leh a, Sabrina Carpenter ‘Sort n’ Sweet’ chu 39,000 hralh lehin No.7 atangin No.6 a kai thar ve leh ta bawk.
Brendon Lake album thar ‘King of Hearts’ chu 37,600 hralhin No.7-aha debut a, chung zinga 20,000 chu album tak tak hralhna niin, streaming atangin 16,500 (on-demand official stream maktaduai 22.06) a tling a, album-a hla a mal a hralhna atangin 1,000 a tling thei bawk. ‘King of Hearts’ hi Lake album he chart top 10-a lang thei hmasa ber a ni a, tun kum thum leh a chanve vel chhunga he chart-a Christian music-genre album thleng sang ber a la ni.
Kendrick Lamar album chart No.1 pawh lo ni tawh ‘GNX’ chu 34,000 hralh lehin No.10 atangin No.8 a kai thar leh a, chart No.1 hlui bawk Morgan Wallen album ‘Dangerous: The Double Album’ chu 32,000 hralh lehin No.13 atangin No.9 a kai thar leh a, PARTYNEXTDOOR leh Drake album ‘$ome $exy $ong 4 U’ chu 30,500 hralh lehin No.11 atangin atangin No.10 a kai thar ve leh ta bawk.