Morgan Wallen ‘Last Night’ a la Hot ber Taylor Swift-i’n Hot 100 record a siam
Morgan Wallen ‘Last Night’ a la Hot ber
Taylor Swift-i’n Hot 100 record a siam
Morgan Wallen hla hit ‘Last Night’ chu Billboard Hot 100-ah a No.1 a, he chart-a kar 14 a No.1-na a ni ta a, he chart-a hla pakhat hmanga No.1 nih reiah pangana a nih rual ta. Hetihrual hian Taylor Swift pawhin a album hrang hrang pathum atangin Hot 100 chart top 10-a lang thei hla pathum a nei a, hmeichhe zaithiam zinga hetiang tithei hmasa ber a ni.
Billboard Hot 100 chart hi kar khat chhunga US-a hla lar dan tehna a ni a, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Morgan Wallen ‘Last Night’ hian radio airplay leh ngaithlatu maktaduai 75.4 a la nei thei a, stream maktaduai 28.6 leh download sales 7,000 a tling bawk a, hei hi chart-ah a kar 14 nan a No.1 pui leh ta a ni. Heti hian kar 14 No.1 thei hla dang Mark Ronson ‘Uptown Funk’ featuring Bruno Mars, Black Eyed Peas ‘I Gotta Feeling,’ Mariah Carey ‘We Belong Together,’ Elton John ‘Candle in the Wind,’ Elton John ;Something About the Way You Look Tonight,’ Los Del Rio ‘Macarena (Bayside Boys Mix)’, Boyz II Men ‘I’ll Make Love to You,’ leh Whitney Houston ‘I Will Always Love You’ te nih rualin, he chart-a hla No.1 ni rei thei pangana a ni ve ta a, Lil Nas X ‘Old Town Road’ featuring Billy Ray Cyrus (19), Luis Fonsi & Daddy Yankee ‘Despacito’ featuring Justin Bieber (16), Mariah Carey & Boyz II Men ‘One Sweet Day’ (16) leh Harry Styles ‘As It Was’ (15) te chiah a pha lo.
Luke Combs-a’n Tracy Chapman hla hlui a cover ‘Fast Car’ chu No.3 atangin No.2 a kai thar leh a, Olivia Rodrigo ‘Vampire’ chu stream maktaduai 24.3 leh sales 5,000 bakah radio airplay maktaduai 27.9 tlingin, No.1 atangin No.3-ah a tawlh a, Rema leh Selena Gomez ‘Calm Down’ chu radio airplay maktaduai 92.2 tlingin No.3 atangin No.4-ah a tawlh ve ta bawk.
Taylor Swift ‘I Can See You (Taylor’s Version)’ chu stream maktaduai 24.7, radio airplay 3,61,000 leh sales 4,000 tlingin No.5-ah a debut. He hla hi a No.1 album thar ‘Speak Now (Taylor’s Version)’ atanga a single a ni a, he chart-a a hla top 10 kai thei 42-na niin, hmeichhe zaithiam zinga he chart top 10-a lang thei hla ngah ber a nihna a sawh nghet leh ta sawt a ni. Swift hian he chart top 10-a hla 68 nei thei Drake chiah a pha lo.
Swift hla dang ‘Cruel Summer’ chu No.7 atangin No.9-ah a tawlh a, a hla dang ‘Karma’ featuring Ice Spice chu No.9 atangin No.10-ah a tawlh bawk. ‘Cruel Summer’ hi 2019-a a album ‘Lover’ a hla niin, ‘Karma’ hi 2022-a a album ‘Midnights’ atanga a single a ni bawk a, tihian a album hrang hrang pathum atangin tum khatah chart top 10-a lang thei hla pathum a nei a, hmeichhe zaithiam zingah hetiang tithei hmasa ber a ni bawk. Taylor Swift tih lohah hetiang tithei awm chhun chu The Beatles chiah an la awm a, February 1964 khan an album ‘Meet The Beatles,’ ‘The Beatles’ Second Album’ leh ‘Introducing… The Beatles’ atangin an hla ‘I Want To Hold Your Hand,’ ‘She Loves You,’ leh ‘Please Please Me’ te a rualin chart top 10-ah a lang thei a ni.
Taylor Swift album thar ‘Speak Now (Taylor’s Version)’ a hla awm zawng zawng, hla 22 te chu Billboard Hot 100 chart-ah an lang nghal vek a, hei bakah hian ‘Midnights’ album atangin ‘Anti-Hero’ chu No.20 a la ni bawk a., tihian tunkar Hot 100 chart-ah Taylor Swift hla 25 a lang a, chung zingah hla 16 chu top 40-ah an lang pha nghe nghe a ni. Tihian Taylor Swift Hot 100 chart-a lang thei hi 212 a tling ta a, hmeichhe zaithiam zinga he chart-a lang thei hla ngah ber niin, mipa lamah pawh hla 296 Hot 100 chart-a nei thei Drake chiah a pha lo.
Chart No.1 hlui Miley Cyrus ‘Flowers’ chu No.5 atangin No.6-ah a tawlh a, Lil Durk ‘All My Life’ featuring J. Cole chu No.6 atangin No.8-ah a tawlh ve ta b