Morgan Wallen ‘Last Night’ a la Hot ber

Morgan Wallen ‘Last Night’ a la Hot ber
Morgan Wallen hla hit ‘Last Night’ chu Billboard Hot 100 (singles) chart-ah a No.1 a, kar ruk a No.1 tling ta. Hetihrual hian Toosii ‘Favorite Song’ pawh top 10-ah a lang.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Wallen ‘Last Night’ hian kar khat chhungin radio airplay-ah ngaithlatu maktaduai 60.2 a la nei thei a, stream maktaduai 34.3 leh download sales 9,000 a tling tawh a, hei hi chart-ah a No.1 pui leh ta a ni.
He hla hi March thla khan a vawi khat nan he chart-ah hian a No.1 a, he hla awmna album ‘One Thing at a Time’ pawh Billboard 200 chart-ah kar 10 chhung a No.1 tling tawh bawk a ni
Chart No.1 hlui SZA ‘Kill Bill’ chu No.2-ah bawk a awm leh a, he hla hi Hot R&B/Hip-Hop Songs-ah pawh kar 21 a No.1 tling tawh a, he chart-a No.1 nih rei theihah Lil Nas X ‘Old Town Road’ featuring Billy Ray Cyrus record a nihrual ve ta a ni.
Chart No.1 hlui bawk Miley Cyrus ‘Flowers’ chu No.3-ah bawk a la awm a, Eslabon Armado leh Peso Pluma ‘Ella Baila Sola’ chu No.4-ah bawk awm lehin, rema leh Selena Gomez ‘Calm Down’ chu top 5 khartu niin, No.5 a la ni bawk.
Metro Boomin, The Weeknd leh 21 Savage “Creepin'” pawh No.6-ah bawk a la awm a, Grupo Frontera leh Bad Bunny ‘Un x100to’ pawh No.7-ah bawk a la awm.
Toosii ‘Favorite Song’ chu radio airplay-ah ngaithlatu maktaduai 28.5, stream maktaduai 20.7 leh download sales 3,000 tlingin, No.11 atangin No.8-ah a invawrh a, Toosii hi he chart top 10-a a lan vawi khatna a ni. Toosii hi a laiah hming chu Nau’Jour Grainger a ni.
Chart No.1 hlui The Weeknd leh Ariana Grande ‘Die for You’ chu No.8 atangin No.9-ah a tawlh a, chart No.1 hlui bawk Taylor Swift ‘Anti-Hero’ chu top 10 khartu niin, No.10 a ni. ‘Anti-Hero’ hi chart top 10-ah kar 27 chhung a lang tling ta a, Taylor Swift hlaah chuan he chart top 10-a lang rei thei ber a la ni.