Motor hnuk thui record an siam

Motor hnuk thui record an siam
UK a cheng John Darwen leh James Baker te chuan inthurualin darkar 24 chhunga motor hnuk thui ber record an siam a, km 51.499 a thui an hnuk ve ve. An lirthei hnuh rih zawng hi tonne 1.5 (kg 1500) ve ve a ni.
An pahnih hian record siam dun turin an inthurual a, record inang chiah an nei ve ve. A hmaa hetiang record pawh an pahniha inthuruala an siam tho a ni a, October 2021 kan km 35.701 a thui ve ve hnukin joint record holder an lo ni tawh a, tun tumah hian an record hmasa hi mel 10 velin an rawn khum leh ta a ni.
James hi kum 38 mi niin, John hi kum 33 a ni a, an record siam hi charity Redeeming Our Communities leh Cancer Research UK tana sumtuakna tura an tih a ni. John hi a tleirawl laiin thisen cancer tih hriatchuah a ni a, James hian kawng hrang hrangin a support nasa hle a ni.
James hi John-a farnu Samantha nen an innei zui ta bawk nen, tleirawl lai atanga lo inthiantha tawh sa an ni bawk a, an inngaina lehzual a, record pawh siam dun ngei zel an duh ta a ni.
Tun tum record siam tuma an beih lehnaah hian an thianpa Daniel Callaghan pawhin an ruala record siam tumin a bei ve nghal a, ani pawh ian a farnu cancer avangin a lo chan tawh a, a farnu puala record siam tum a ni. Mahse, vanduaithlak takin Daniel hi mel 14 an thlenin a inhliam ta hlauh a, record siam lovin a tawpsan ta a ni.