Motorcycle inhnuhtirin record siam

A hlauh nei lo hna deuh thin mang e! Sap pachal Jonny Davies chuan motorcycle chak taka tlan a inhnuhtawlh tir a, 159.52 mph (256.72 kmph) a chakin a inhnuh tir a, Guinness World Records a siam.
Jonny Davies hian The Ultimate Supercar Show-ah record hi siamin, Kawasaki Ninja H2 SX tlema siam danglam deuh a hmang a, a motorcycle hnunglamah awmin, a ke leiah a nghat a, Elvington Airfield, Yorkshire, England-ah record siam tumin a motorcycle chu chak taka tlan tirin a inhnuhtir ta a ni.
A hmaa hetiang record chu British stunt rider Gary Rothwell-a’n 1999-a a siam daih tawh kha niin, ani hi 156.3 mph (251.5 kmph) a chakin a inhnuh tir ve thung.
Jonny chuan, “Khetiang khawpa chak khan ka la ti ngai bik lo, thli a na bawk nen, ka kein lei a tawk lo zeuh zeuh, thliin a chhem kâng thin. Ka practice-naah pawh khatiang kha ka la tawng ngai lo,” a ti. Jonny hian record siam nan hian a bik taka siam titanium pheikhawk a bun a ni.