Pathianni kalta khan Mount Everest lawnchhuah record pahnih siam niin Nepali sherpa chu lawnchhuak zing ber niin British tlanglawn mi chu foreign zinga lawnchhuak zing ber a ni bawk.
Kami Rita Sherpa, kum 54-a upa chuan khawvela tlangsar ber tum 29 a lawnchhuak ta a, British tlanglawn Kenton Cool chuan tum 18 a lawnchhuak bawk.
Sherpa hi world-record holder ni mek sa niin a record a khum leh ta a. Kum sawm hnih chhung zet chu tlanglawn mite guide niin kum 1994 khan lawnchhuak hmasa berin khata tang khan kum tin a la lawn chhuak ta char char a ni.
Mount Everest tlanglawn season a intan chiah a, khawvel ram hrang hrang atangin tlanglawn an tam leh hle tura ngaih a ni a.
Sherpa hian tlangsang lai ber 8,849m (29,000ft) chu Pathianni khan local time 7:30 ah a lawn thleng a ni.
A hmain Instagram post a siamah Everest base camp-ah a awm mek thu sawiin a tum 29 nan tlangsang lai ber a thlen leh theih a beisei thu a sawi a. “Mi pakhat tana hna, midang te tana dream” tiin a ziak a ni.
Sherpa hian a hma in a tlanglawn chu hnathawh ang a nih thu sawiin nikum khan tum hnih a lawnchhuak a, a elpui ber a rampui mi Pasang Dawa Sherpa chu a khum a ni.
Gloucestershire mi Cool pawhin Pathianni khan lawnchhuak ve lehin British mi hi mountaineering guide a ni bawk a, mahse, a hlawhtlinna chu a uanpui duh lo hle a. Kum 2022 daih tawh khan ‘Sherpas lawnchhuak an tam lutuk’ tiin a sawi.
Hmeichhia zinga Mount Everest lawnchhuak zing ber chu Lhaka Sherpa niin kum 2022 khan tum 10 a lawnchhuak a ni.
Nepal sorkar chuan tlanglawn season April atanga June inkar chungin tlanglawn mi 400 hnenah phalna a pe a. Tlanglawn mite hian local guide an nei vek a, chuvangin tlanglawn te chu mi 800 vel ni tura ngaih an ni.
Nikum khan mi 600 in Everest an lawnchhuak a, mahse, vanduaina thlen nasat kum niin mi 18 in nunna an chan a ni.
Mount Everest-ah record pahnih
Get real time updates directly on you device, subscribe now.
Prev Post
Next Post