MP chungah sumdawng pawl lawm

MP chungah sumdawng pawl lawm
Mizoram Lok Sabha MP Richard Vanlalhmangaiha’n National Commission for Schedule Tribe hotu hnena tribal-te hnena income tax khawn thin tihtawp a nih theihna tura hma lakpui tura a ngen chu lawmawm an tih thu sumdawng pawl inzawmkhawm chuan an sawi.
Mizoram Merchant Association (MIMA) thuchhuak chuan, Select Committee of the Lok Sabha to Examine Income Tax Bill 2025 member ni bawk Pu Richard Vanlalhmangaiha’n NCST chairman Antar Singh Arya kawma Mizorama sumdawng leh tribal-te India Constitution-in Section 10 (26) of the Income Tax Act-ah income tax awl an ni chung a, chhiah chawi tura thinna lehkha hmu a, harsatna an tawk thin chu hma lakpui tura ngena thuneitu sanga a thlen chu a hlawhtling ngei an beisei tih a sawi.
Mizoramah, a bikin sumdawngten income tax chungchanga harsatna an tawk thin leh documents nen an insawifiah hnu pawh a, ‘nil return’ la tih ngai tlat leh bank account khawih chet theih loha action an la thin chu an duh loh thu hmarchhak bialtu principal chief commissioner of Income Tax hnenah pawh an lo thlen tawhna copy chu Lok Sabha MP hi Select Committee member-ah a tel tih an hriat veleh an thawn tih MIMA hian sawiin, hetianga MP-in a bawhzui sak chu lawmawm an tih thu a sawi a ni.