MPCC leh MPC hruaitute inkawm

Mizo People Convention (MPC) Manipur hruaitute chuan July 9 khan Mizoram Pradesh Congress Committee president Lalsawta an kawm.
MPC Manipur hruaitute hian tunlaia Manipura thil thleng hrang hrang an sawipui a. He buaina a chinchhuaka sawiin, hmalak theih dante sawi a ni.
MPCC president chuan tuna Manipur tana pawimawh hmasa ber chu, muanna a ni, tiin, “Humanitarian ground ah, mipui tawrhna a nasa lutuk tawh a. Hei hi state BJP sawrkar leh central BJP sawrkar mawhphurhna a ni. Muanna hi awm phawt se, harsatna dang hi chu chinfel chhoh theih zel a ni. Keini chuan muanna a thlen theihna’na hma lak phawt hi a tha kan ti a, chutiang tur chuan theitawp kan chhuah dawn a ni,” a ti.