MPSC-in kum 34 tlin lawm
Mizoram Public Service Commission chuan kum 34 a tling ta a, Ningani khan MPSC thawktuten an chairman R. Lalramnghaka hoin an lawm.
Mizoram Public Service Commission (MPSC) hi India Danpui Article 315-na tlawhchhanin kum 1991 khan din a ni a. 1991 May n 1 khan Mizo zinga IAS ni thei hmasa pathumna SR Vala’n sawrkarin a ruat angin MPSC chairman hmasa ber ni turin a hna a zawm a ni.
Kum 1991 atanga vawiin thlengin MPSC hian chairman 12 a nei tawh a, member ni tawh 21 an awm. An ni puibawmtu (officer & staff) zinga hotupa ber, secretary 11 an awm tawh. Tun dinhmunah MPSC hian sanctioned post 86 a nei mek a ni.
Group ‘A’ leh ‘B’ direct recruitment hmanga kum 34 chhunga a lak zawng zawng chu mi 3792 an ni tawh a. Sawrkar hnathawk lai tam takin kaisanna an hmuh theihnan Departmental Promotion Committee (DPC) meeting vawi 4578 neih a ni. Departmental exam, limited competitive exam leh induction atana exam engemawzat a buatsaih tawh bawk.
MPSC-in kum 34 tlin lawm
Get real time updates directly on you device, subscribe now.
Prev Post
Next Post