Hna lak kalpui dana ram lailungfate tana him tawk loa chea an puh Mizoram Subordinate Services Selection Board (MSSSB) chairman pisa kai tur chu vawiin, February 1 atangin Mizo Zirlai Pawl chuan dan an tum.
-- Advertisement --
Thawhlehnia MZP Gen. Hqrs leh Aizawl khawpui chhunga College Students’ Union hruaitute leh hnampual zirlai pawl hruaitute thukhawm chuan, hna lak kalpui dana a hna chelh tlak loa an ngaih MSSSB chairman chu January thla chhunga ban tura sawrkar a ngenna a hlawhtlin loh thu a sawi. ‘Tunhnaia MSSSB-in hna a lakah hnamdang pathum ngawt lak an ni a, he thilah hian MSSSB chairman nilai hi a mawhphurtu leh hnam tana ding tawk loah ngaiin, a kaihhruaina hnuaia MSSSB hna lak awm zel tur chu ram leilungfate tan him tawk loah kan ngai a, ban a nih theih nana hma lak rel a ni,’ a ti.
An phut a hlawhtlin loh avangin February 1 hian MSSSB chairman pisa kai tur dan a, sawrkar atanga hmalakna duhawm a awm loh chuan February 2-a dan chunzawm, ala hlawhtlin loh fo chuan February 3-ah MSSSB chairman ban ngiatin Aizawlah zirlaite kawngzawh huaihawt an rel a ni.