MSU-in dan loa khaw din dapchhuak a tum

Mizo Students’ Union chuan Mizorama dan loa khaw din tihtawp a nih theih nan dapchhuah a, hma lak zui an tum.
MSU rorelna sangber dawttu, Federal Body meeting chu Zirtawpni khan Rawpuichhip khuaah MSU Gen. Hqrs. president Samuel Zoramthanpuia kaihhruaiin neih a ni a. An thu pawm zingah dan loa khaw din dapchhuah hi a tel a; elementary, high school leh higher secondary school upgrade leh provincialise tura Mizoram sawrkarin order alo chhuah tawh angin, zirlai leh school ten hamthatna an dawn thuai theih nan a rang lamin sawrkar hnenah thlenin hma lak ni se, an ti bawk.
Rorel inkhawm zawh hian vantlang inkhawm neih a ni. Rural Development director R Lalthazuala’n hmanpuiin, Rawpuichhip khuaa tlawmngai pawl hruaitute leh VCP bakah zirlai engemawzat an tel a ni.