Muanna kudam sawnna tur sawi

Zuangtui Muanna Venga supply kudam chu Sairanga sawn tum a ni a, Ningani khan Supply minister K Lalrinliana hoin FCS&CA leh PWD hotuten kudam thlakna sak dan tur an sawiho.
Sairangah hian kudam lian metric tonne 1500 leng thei tur pakhat leh kudam pahnih dang MT 1000 ve ve leng tura lian sak tum a ni a, Sairang Dinthar-a FCI kudam tur sak mekna bula sak tum a ni.
Sawihonaah hian supply kudam-a thil awm tur – weighbridge, staff quaters, office, rest room, sanitary complex, shed leh thil dangte sawi niin, ruahhmanna awmsa chu kudam puitling anga hman turin a kimchang tawk em, tih sawi a ni. Kudam leh a behbawm hi SASCI sum, nuai 830 leh NABARD sum, nuai 487 senga sak tur a ni.