Mumbai police in Diwali hmain sky lantern khap

Mumbai police in Diwali hmain sky lantern khap
Mumbai chuan Diwali hman hma chuan sky lantern a khap a. Mitin himna leh venhimna atan sky lantern hman, hralh leh dahkhawm chu thla khat chhung an khap niin thuneitute chuan an sawi.
He khapna hi October 23 atanga November 21 thleng hman a nih tur thu police hotuten thupek an tihchhuahah tarlan a ni. Sky lantern hian nunna atana hlauhawm nasa tak a thlen thei a, mipui bungrua a tichhe thei a ni, tiin thupek chuan a tarlang.
Thupek bawhchhiate chu Bharatiya Nyaya Sanhita Section 223 hnuaiah thubuai siamsak an nih tur thu an sawi.
Kum 2015 January thla khan Malad East-a building chhawng 36-a sang, sak mek chu flying sky lantern avang hian kangmei a chhuah phah nia sawi a ni a, hei vang hian chutih hun laia Mumbai fire chief, P Rahangdale chuan police-te chu hetiang lantern khap tur hian a ngen a ni.