Myanmar-a phurh tur oil-a chhiah lak Home minister-in a hriatpui lo

Myanmar-a phurh tur oil-a chhiah
lak Home minister-in a hriatpui lo
Mizoram kaltlanga Myanmar lama lirtheia oil phurh luh thinah Mizoram Police-in hmun thumah chhiah an lo la thin tih sawi a ni a. Hei hi a hriatpui lo tih Home minister K Sapdanga chuan sawiin, an lo enzui tur thu a sawi.
Thawhtannia Assembly Session-ah Lawngtlai West bialtu MLA C Ngunlianchunga chuan, Myanmar lamah hian Mizoram kaltlangin plastic barrel hmangin oil an phurlut nasa hle a, police chuan Serchhip, Lunglei leh Tipa (Siaha district) ah chhiah an lo la thin niin a sawi. Hei hi sawrkar hriatpuia lak nge ni a, police hian remchang angin an lo la ve tih a zawt a ni.
“Myanmar lamah oil hi a kal nasa a, chhiah lak hi a hlawk viau ka ring a, sawrkarah lut se thatpui tham a ni ang,” a ti.
Home minister chuan he chhiah lak hi a hriatpui lo tih sawiin, an lo inzawhchian tur thu in a chhang a ni.