Myanmar-ah ethnic armed group te chak zual zel

Myanmar-a ethnic armed group te chuan Myanmar khawthlang lama beach resort town pawimawh deuh chu sipai te an chhuhsak.
Southeast Asian ramah hian ethnic armed group leh pri-democracy “People’s Defence Forces” te leh sipaite chu kum 2021-a sipai ten civilian sorkar an paihthlak hnu atangin an inbei nasa hle a ni.
Myanmar khawthlang Rakhine state-ah Arakan Army (AA) te chuan ni hnih chhung Ngapali beach lak tumin sipai te nen an inbei a. He hmun hi sipai thlawp tena an enkawl sumdawnna hmunpui a ni bawk.
“Junata sipai leh police te chu Thandwe airport ah an tlan chhia” tiin sawi a ni.
Hetih lai hian hmarlam Shan state-ah pawh National Liberation Army (TNLA) te chuan Kyaukme khuaa sipaite chu luhchhuah tumin an bei bawk a.
He khua hi China pawhna kawngpui pawimawh tak chhun niin inkahna a nasa hle tia sawi a ni bawk a. He khuaa chengte chu pawn chhuak ngam lovin an tawm mek niin Kyaukme khuaa cheng volunteer rescue team a tel chuan a sawi.
TNLA te chuan Kyaukme chhehvel tlawh an remti lo mek a, a him lo an ti a. AA leh TNLA member te hi “Three Brotherhood Alliance” a tel te niin nikum October thla atanga Myanmar junta te beilet tan tawh an ni.
Three Brotherhood Alliance te chuan ram zau tak la a thunun tawhin China nena insumdawntawnna te an thunun vek tawh a, chu chuan Myanmar sipaite tan harsatna namen lo a siamsak thung.