Myanmar opposition leader te chuan Myanmar sipai sorkarin Sagaing province-a indo thlawhna hmanga chetlakna a neih avanga civilian 60 naupang leh hmeichhiate tela an thihnaah, khawvel ramte chu Myanmar sorkar lakah hremna lekkawh turin an ngen.
Sipai sorkar dodala intel-khawmna opposition leh ethnic group aiawh te telna National Unity Consultative Council (NUCC) te chuan Myanmar-a sipai sorkar hotute chuan war crime an khawih an ti bawk a.
“Tada-U Airport atanga thlawk chhuak sipai indo thlawhnate chuan Sagaing region-a Kanbalu township a Pazigyi a civilian te chu 11 April 2023 zinglam dar 7:45 khan indo thlawhnaa hmangin a bei a, a hnu lawkah rocket pahnih leh machine gun te hmangin North-Western Command atangin M135 hmangin a bei zui leh a ni. He thil thleng avang hian civilian 60-in nunna chanin nunna chan zingah naupang, hmeichhia leh kum upa lam telin mi thahnem takin hliam an tuar bawk,” tiin National Unity Consultative Council chuan thuchhuah an siamah an tarlang.
NUCC te chuan Myanmar sipai sorkar hian Chin, Kachin leh Sagaing region a civilian-te chu indo thlawhna hmangin a beizui leh thei reng an ti bawk a. A hma lawk pawhin Chin state-a Falam khuaah indo thlawhna hmang thova chet la in civilian pakuain nunna an chan phah tawh a, heng zinga pathum chu hmeichhia an ni, a ti bawk.
Myanmar-a ram zau tak chu Ethnic Resistance Organisations (EROs) te thununin a awm mek a. Hei bakah hian Myanmar sipaite chu People’s Defence Forces leh Local Defence Forces te chuan an nawr tawm zawk bawk.
Sagaing hi India-Myanmar ramri atanga hla taka awm ni mahse Myanmar sipaite chetvelna hlauin Chin State atangin Mizoram leh Manipur-ah raltlan thahnem tak an awm mek tawh a ni.
Myanmar-in indo thlawhna hmangin a ram mite beizui zel
Get real time updates directly on you device, subscribe now.
Prev Post
Next Post