Myanmar sipai thawn kir, thawn kir tur awm leh
Myanmar sipai sorkar paih tumtute nena an inkah hnua Mizorama tlan lut Myanmar sipaite chu Myanmar-ah thawn kir vek an ni tawh a, amaherawhchu, thawn kir tur Myanmar sipai dang an awm leh nghal tih thu dawn a ni.ThawhTanni, November ni 13 khan Myanmar sipai 39 chu Mizoramah an tlan lut a, a tukah mi dang pali an tlan lut leh. Ni hnih chhungin sipai 43 an tlan lut a, an vai hian Myanmar-ah thawn kir an ni tawh.
Thu dawn danin, mi 43-te hi Thawhlehni khan thawn kir vek an ni a, an zinga pakhat chu hliam tuar, damdawi ina zan khat riak a ni a, ani pawh hi Thawhlehni chhun dar 1 vel khan damdawi in aTangin a chhuak. Myanmar lamah thawn kir nghal a ni.
Chawlhni zan aTanga a tuk ThawhTanni zan dar 7 vel thleng khan Myanmar-a Khawmawi leh a chhehvelah Myanmar sipaite hi sipai sorkar paih tumtute nen an inkap a, a chak lo zawka Tang sorkar sipai lamah mi 43 chu Mizoramah an tlan lut a ni.
Myanmar lamah anmahni dotute’n an chang si a, |iau kanin Champhai district-a Zokhawthar-ah an lut ta a ni. Mahse sorkar laipuia ministry of home affairs thu angin Myanmar lamah thawn kir an ni.
Myanmar sipai sorkar paih tuma ralthuam nena che hi pawl hrang hrang an awm a, an pawl hming lar PDF-ah pawh hian chi hrang hrang an awm. Chawlhni zan leh ThawhTanni-a inkahnaah hian PDF (Hualngoram) te, Chin National Army (CNA) leh People’s Defence Army (PDA) te an ni tih thu dawn a ni.
Zokhawthar dep Khawmawi leh a chhehvela Myanmar sorkar sipaite an hneh tak avangin anmahni dotute hian Khawmawi leh a chhehvel chu la tawhah an inngai a, Khawmawi-ah phei chuan Chin National Front flag an zar.
Vaphai hnaiha awm, Myanmar-a Tuibual khua pawh sipai sorkar dodaltute’n an la a, hei vang hian Myanmar sipai Thenkhat chu Mizoramah an tlan lut leh.
Thawhlehni zan dar 11 vel aTanga Nilaini tuk dar 4 vel thleng khan Myanmar sorkar sipaite leh anmahni dotu CNDF (Chin National Defence Force) te an inkap a, sorkar sipai lam hi an tawlh.
Nilaini khan Myanmar sorkar sipai Thenkhat chu Mizoramah an tlan lut a, Saikhumphai an pan. Mi eng zat nge an nih hriat a ni lo a, Mizoramah Tha taka lo dawnsawna Myanmar-a thawn kir leh tur an ni tih thu dawn a ni.
Hetih lai hian Chawlhni zan leh ThawhTanni-a Myanmar sorkar sipaite dotu lamah pawh mi pariat chu Mizoramah an lut a, anni hi hliam tuar niin, damdawi inah enkawl an ni.