MYC-in thalaite lehkha chhiar uar tir dan dap tum

MYC-in thalaite lehkha chhiar uar tir dan dap tum
Mizoram Youth Commission chuan thalaiten lehkha chhiar an uar leh theih dan tur a ngaihtuah dawn.
Thawhlehni khan Mizoram Youth Commission member-te hi an chairman, Malsawmzuala Ralte kaihhruaiin an thukhawm a. Commission hmalakna an thlirho bakah hmachhawp an sawiho.
Hma an lakna zingah career guidance & counselling workshop neih, social media campaign kalpui mek, ASI Mock Exam buatsaih, Aizawl & Lunglei Centre-a hotel management training buatsaih mek leh an thawhna tur hotel hrang hrang report ngaihthlak a ni.
MYC kaltlanga food & beverage training kal meka trainee 26 chuan placement an hmuh vek tawh thu pawh sawi a ni bawk.
MYC hmalakna tur pawimawh hrang hrang pawh sawiho a ni a. Heng zingah hian online mentorship programme, civil service aspirant-te tan one-on-one online mentorship programme neih tha tiin, pawm nghal a ni.
Mizo thalai zinga lehkha chhiar uar zawka kalpui dan tur concept pawh pawm a ni a. Kumthar lama banking leh Staff Selection Commission coaching kalpui dan tur pawh sawiho hnu ah kalpui nise an ti.