MZU hosteller-te lungawilo

Mizoram University hostel-a awmte chuan an mess that loh avang leh zan lama security duty-ten an khuahkhirh leh lutuk duh lohna avangin April 29 zing khan MZU gate bulah lungawilohna an lantir.
MZU hotute hnena an thu thlen zingah, an mess chu taksa tana hrisel leh taksa mamawh ang phuhruk zo, quality tha ni bawk tura beisei a nih laiin, heng hi a pha lo hle a, hemi chungchangah hian dan fel tak leh a kengkawhtu tur duan a, ei siamtu contractor-ten an zawh loh tur khawpa mi pakhatin a chan teuh loh dan tura ruahmanna siam an ngen.
University campus chhungah ruihtheih thil ti leh sawrkar dan phal loh dang ti ni lem lo, an vahvelnaa khuahkhirh an ni leh lutuk pawh hrethiam loin, zirlaiten an zirlai avang leh anmahni mimal nunah hmun awlah hun thawl tha zawk an mamawh chang pawh a, chutiang laka khuahkhirh leh tul loa security duty lam atanga tihbuai an ni fo chu tha lo an ti a, ruahmanna fel zawk siam an phut tih an sawi bawk.
An lungawilohna leh ngenna hi MZU vice chancellor bakah registrar, Students’ Welfare dean, MZU Students’ Council, MZU Alumni Association leh MZU Research Scholar Association ah an thlen a ni.